Peta Situs
Sering Dibaca
-
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَال...
Diberdayakan oleh Blogger.
Jumat, 27 April 2012
Fenomena Geng Motor Jeung Atikan Barudak
الحمد لله الذى أنعمنا بنعمة الإيمان
والإسلام. والصلاة والسلام على خيرالأنام سيدنا محمد وعلى آله وصحبه وتابعيه على
الدوام. أشهد أن لا إله إلاالله وحده لا شريك له وأشهد أن سيدنا محمدا عبده ورسوله
لا نبي بعده. أما بعد، فَيَا عِبَادَ اللهِ,
أُوْصِيْكُمْ وَإِيَّاىَ بِتَقْوَى اللهِ فَقَدْ فَازَ الْمُتَّقُوْنَ.
وَتَزَوَّدُوْا فَإِنَّ خَيْرَ الزَّادِ التَّقْوَى، وقال الله تعالى: وَالَّذِينَ
يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ
أَعْيُنٍ وَاجْعَلْنَا لِلْمُتَّقِينَ إِمَامًا
Puji miwah syukur langkung tipayun sumangga urang sanggakeun ka
hadlirot Alloh SWT. Mantena teu liren-liren maparinan mangrupi-rupi nikmat ka
urang sadaya, kalebet nikmat iman sareng islam, sahingga dina dinten ieu urang tiasa sasarengan ngalaksanakeun
to’at ka Mantena, nyaeta ibadah sholat Jum’at. Sholawat miwah salam mugia
salamina dilimpahruahkeun ka tauladan urang sadaya, Rosululloh SAW,
kulawargina, para sahabatna, tug dugi ka umatna dina mangsa kiwari, umat akhir
zaman.
Dina saat-saat anu pinuh ku kakhidmatan ieu, saat-saat dimana
kaum muslimin nungkulkeun masatakana madepkeun salirana ka hadlirot Alloh SWT
pikeun ngalaksanakeun piwarangana-Na, ibadah Jum’at, sumangga urang luangkeun
ieu waktos kanggo ningkatkeun iman sareng takwa ka Mantena. Mung katakwaan, anu
tiasa ngabingbing sareng ngarahkeun kahirupan ieu kana kamulyaan anu sajati.
Hadirin kaum muslimin ahli Jum’at rohimakumulloh.
Dina sababaraha minggon kapengker, malihan dugi ka wangkid
kiwari ieu sapalih media massa elektronik sareng cetak di urang masih
nyuguhkeun warta-warta anu ngebrehkeun anarkisme, brutalisme, sareng
tindakan-tindakan premanisme ti sabagian warga masyarakat anu diidentifikasi
kelompok geng motor. Kelompok ieu, henteu mang-mang mintonkeun aksina dina
bentuk balas dendam, kekerasan, sareng kajahatan ka pihak sanes, malihan pami
peryogi ngareksak fasilitas umum, ngajarah, nganiaya sareng mateni saha wae anu
dianggap ngahalangan kana maksudna sareng ngaganggu eksistensina. Anu
dilakukeun ku maranehna diantawisna nyaeta babarengan nyieun aksi koboy babalapan
liar, rivalitas pikeun nunjukkeun kakuatan, peradilan jalanan, sareng dina
sababaraha kasus ngarempug jalmi dugi ka tiwas. Hanjakal nyali maranehanana
mung hadir dina aksi solidaritas buta keroyokan sareng kekerasan sacara
bergerombol. Da saupami dilakukeun ku sorangan mah, maranehanana moal wanieun alias sieuneun sabab teu ngamilik rasa tanggung jawab.
Gejala ieu parantos hadir di negeri urang kalayan ditungtungan
ku kaprihatinan sababaraha pihak sareng rasa hariwang masyarakat tina
ekses-ekses anu ditimbulkeunana, margi anu diakibatkeun tina aktivitas
premanisme kelompok geng motor eta sanes wae dina bentuk karugian materi
nanging oge karugian
moril sareng korban jiwa. Saolah-olah jiwa sareng harta banda anu justeru numutkeun ajaran agama kedah dilindungi, sakumaha kaunggel dina maqashidusysyari’ah, dina
pandangan maranehna mah
henteu aya hargana. Kumargi sakitu, tindak-tindak kriminal sareng pidana anu
dijalankeun ku kelompok-kelompok jalanan peryogi diusut sareng ditindaklanjuti
ku penegakkan hukum anu tegas.
Kaum muslimin anu miharep rohmat Alloh.
Tangtosna oge
prihatin sareng resah saupami anarkisme anu dilakukeun ku kelompok geng motor
eta muncul di daerah urang sareng ngalibatkeun kulawargi atanapi
katurunan-katurunan urang. Hal ieu henteu mustahil, saupami faktor-faktor anu
ngadorong kana munculna geng-geng di tengah masyarakat henteu kaantisipasi sareng kaperhatoskeun,
diantawisna atikan agama anu kirang, pangaruh lingkungan sosial sareng
pergaualan anu awon, informasi teknologi anu teu disaring sarta pangawasan anu
teu optimal ti orang tua ka putra-putrina. Sakadar
conto alit ngeunaan pangawasan atanapi kontrol sepuh ka murangkalihna, naha
kantos terlintas dina emutan urang naon saleresna aktivitas anu nuju dilakukeun
ku putra remaja urang nalika dina waktos
anu sami urang ngalaksanakeun ibadah Jum’at? Naha urang teu kantos uninga, yen
salresena putra remaja urang, dtengah-tengah para ramana ngalakasanakeun Jum’at,
aranjeuna nuju karukumpulan sareng balad-baladna di hiji tempat anu rada
nyingkur ti ieu masjid ngan ukur pikeun ngarobrol sareng ngulinkeun HP batan
ngalaksanakeun kawajiban agama, sholat Jum’at? Atikan sareng
pangawasan sepuh janten faktor anu mangaruhan dina ngabentuk sareng ngawangun
karakter murangkalih. Sae awonna akhlak sareng pamahaman agama murangkalih,
sajabi ditangtoskeun ku lingkungan sareng pergaulan, oge gumantung kana model
sareng cara atikan sepuhna. Rosululloh SAW tebih-tebih parantos ngemutan ka urang,
yen satiap murangkalih anu dilahirkeun ka dunnya kaayaanana bersih, mung kadua
sepuhna anu tiasa ngajantenkeun murangkalih eta Yahudi, Nashroni, atanapi
Majusi:
كُلُّ مَوْلُودٍ يُولَدُ عَلَى الْفِطْرَةِ فَأَبَوَاهُ يُهَوِّدَانِهِ أَوْ
يُنَصِّرَانِهِ أَوْ يُمَجِّسَانِهِ
Numawi sakitu
Rosululloh SAW parantos ngawanti-wanti sarta miwarang sangkan atikan agama
sareng internalisasi nilai-nilai kato’atan ka Alloh dipelakkeun ti mangsa
yuswa murangkalih masih keneh belia. Anjeuna ngadawuh:
مُرُوا أوْلادَكُمْ
بِالصَّلاةِ وَهُمْ أبْنَاءُ سَبْعِ سِنينَ ، وَاضْرِبُوهُمْ عَلَيْهَا ، وَهُمْ
أبْنَاءُ عَشْرٍ
“Parentah budak-budak aranjeun
kana sholat nalika umur tujuh taun, jeung teunggeul maranehna lantaran ninggalkeun
sholat nalika umur sapuluh taun”
Kaum muslimin
anu nyuprih rohmat Alloh.
Sakedap deui
putra-putri urang anu parantos cekap yuswana dina nempuh jenjang pendidikan,
bakal mayunan taun ajaran enggal. Dina palihan ieu urang gaduh
tanggelwaler kangge
ngajujurkeun aranjeuna. Teu aya lepatna urang ngemutkeun
sakola sareng
model pendidikan
anu sakinten-kinten cocok sareng potensi atanapi kamampuhan anu
dipimilikna. Urang tangtos
miharep, ku pendidikan anu sae, putra-putri urang janten pribadi-pribadi
anu cerdas sacara intelektual, cerdas sacara emosional, sareng cerdas sacara
spiritual. Kaberhasilan sepuh dina ngatik-ngadidik putra-putrina sanes
dicirikeun ku kamampuan nyakolakeun aranjeuna ka sakola-sakola elit mentereng anu mahal biayana.
Nanging dugi ka mana para sepuh sareng lembaga pendidikan tiasa bekerjasama
ngembangkeun sareng ngarahkeun potensi-potensi anu dipimilik ku anak, sahingga
ngahasilkeun generasi-generasi anu mampuh ngajawab tantangan zamanna ku
kacerdasan otakna sareng kalembutan hatena. Aranjeuna janten jalmi anu
pinter tapi bageur, anu berfikir tapi berdzikir, anu cerdas otakna tapi mulya
akhlakna.
Alloh SWT
ngadawuh dina Al-Quran Surat an-Nisa’ ayat 9:
وَلْيَخْشَ
الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ
فَلْيَتَّقُوا اللَّهَ وَلْيَقُولُوا قَوْلا سَدِيدًا
“Jeung
sakuduna ngarasa rempan saupama jalma-jalma naringgalkeun katurunan anu
lalemah, rempan bisi maranehna kalantar. Ku kituna maranehna kudu sieun ka
Allah jeung kudu nyarita ku omongan anu bener”
Numutkeun anu
nyusun Tafsir Al-Muyassar, ayat al-Qur’an ieu ngajelaskeun, yen
jalma-jalma kudu mikarempan saupama maranehanana maot sarta ninggalkeun barudak
dina kaayaan laleutik tur lalemah keneh, barudak eta bakal tertindas sareng
terlantar. Jalma-jalma sakuduna sieun ku Alloh dina ngurus barudak anu aya dina
leungeun maranehanana saperti barudak yatim atawa anu sejenna, ku cara ngajaga
harta-bandana, alus ngadidikna, ngajauhkeun maranehanana tina bahaya, tur
ngucapkeun omongan-omongan anu adil tur alus ka maranehna.
Kumargi
sakitu, pendidikan mangrupikeun hal penting anu kedah diperhatoskeun.
Pendidikan janten benteng utami anu ngajagi murangkalih urang tina katertindasan. Sumangga
murangkalih-murangkalih ieu urang jagi jati dirina, wangun energi positifna,
kembangkeun potensi-potensina, sareng tebihkeun tina pangaruh-pangaruh
negatifna, malahmandar aranjeuna janten jalmi-jalmi anu saroleh, tiasa ngabakti
kanu janten sepuh, agama sareng nagarana, Aamiin Ya Allah Ya Robbal Aalamiin.
بارك
الله لى ولكم فى القرآن العظيم ونفعنى واياكم بما فيه من الايات والذكر الحكيم
وتقبل الله منى ومنكم تلاوته انه هو السميع العليم
اَلْحَمْدُ لِلَّهِ وَالصَّلاَةُ
وَالسَّلاَمُ عَلَى رَسُوْلِ اللهِ سيدنا محمد وعلى آله وصحبه ومن واله، وَلاَ
حَوْلَ وَلاَ قُوَّةَ إِلاَّ بِاللهِ. أَشْهَدُ أَنْ لاَ إِلَهَ إِلاَّ الله
وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. مَعَاشِرَ
الْمُسْلِمِيْنَ أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ َ
الْمُتَّقُوْنَ. يَا َيُّهَا الَّذِينَ آمَنُوا اتَّقُوا اللَّهَ
وَقُولُوا قَوْلاً سَدِيدًا يُصْلِحْ لَكُمْ
أَعْمَالَكُمْ وَيَغْفِرْ لَكُمْ ذُنُوبَكُمْ وَمَن يُطِعْ اللَّهَ وَرَسُولَهُ
فَقَدْ فَازَ فَوْزًا عَظِيمًا. أللهم صل وسلم على سيدنا محمد
وعلى آله وصحبه أجمعين آمين: أللهم اغفر للمسلمين والمسلمات والمؤمنين والمؤمنات
الأحياء منهم والأموات, اللّهمَّ حَبِّبْ إلَيْنَا
الإيمَانَ وَزَيِّنْهُ فِي قُلُوْبِنَا وَكَرِّهْ إلَيْنَا الْكُفْرَ
وَالْفُسُوْقَ وَالْعِصْيَانَ وَاجْعَلْنَا مِنَ الرَّاشِدِيْنَ اللهم عذِّبِ
الكَفَرَةَ الذين يَصُدُّوْنَ عَنْ سَبِيْلِكَ ويُكَذِّبُوْنَ رُسُلَكَ
ويُقاتِلُونَ أوْلِيَاءَكَ اللّهمَّ أَعِزَّ الإسْلاَمَ وَالمسلمين وَأَذِلَّ
الشِّرْكَ والمشركين وَدَمِّرْ أعْدَاءَ الدِّينِ وَاجْعَلْ دَائِرَةَ السَّوْءِ
عَلَيْهِمْ يا ربَّ العالمين .
عباد الله , إنالله يأمر بالعدل والإحسان وإيتاء ذى القربى وينهى عن
الفحشاء والمنكر والبغي يعظكم لعلكم تذكرون أستغفرالله العظيم لى ولكم.
0 comments:
Posting Komentar