 |
Jumat, 15 Juni 2012
Syukur Kana Nikmat Allah
إِنَّ الْحَمْدَ لِلَّهِ نَحْمَدُهُ
وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا
وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ
يُضْلِلْهُ فَلاَ هَادِيَ لَهُ. أَشْهَدُ أَنْ لاَ إِلَهَ إِلاَّ اللهُ وَحْدَهُ
لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ
صَلِّ وَسَلِّمْ وَبَارِكْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ
هُدَاهُ إِلَى يَوْمِ الْقِيَامَةِ. أَمَّا بَعْدُ, فيا مَعَاشِرَ الْمُسْلِمِيْنَ
أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ الْمُؤْمِنُوْنَ
الْمُتَّقُوْنَ، وَتَزَوَّدُوْا فَإِنَّ خَيْرَ الزَّادِ التَّقْوَى، قَالَ
تَعَالَى فِيْ كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ
الرَّجِيْمِ،: وَإِذْ تَأَذَّنَ رَبُّكُمْ لَئِنْ
شَكَرْتُمْ لَأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ.
Hadirin
kaum muslimin rahimakumullah.
Proses
hirup atanapi maot sanes wae kaalaman ku
perorangan, nanging oge ku kaum, umat, bangsa, rezim atanapi komunitas
masyarakat anu sanesna. Seueur conto anu ngabuktoskeun kana hal eta. Dina kisah
umat-umat anu tipayun, sakumaha kaunggel dina al-Quran, kaum Nabi Luth sareng
Nabi Nuh kantos hirup di muka bumi ieu, nanging kaum-kaum eta dina mangsa
kiwari parantos henteu aya deui kumargi musnah sareng binasa ku hiji bencana dina
mangsana. Nyakitu deui dina sajarah
bangsa urang, kantos lahir pamarentahan, wilayah sareng masyarakat anu dicepeng
ku raja-raja, sapertos karajaan Majapahit atanapi Sriwijaya. Karajaan-karajaan eta kiwari kantun
namina wungkul anu dicatet dina lembaran-lembaran sejarah, sareng tapak-tapakna
dina bentuk cagar budaya sareng barang arkeologi.
لِكُلِّ أُمَّةٍ أَجَلٌ إِذَا جَاءَ أَجَلُهُمْ فَلَا يَسْتَأْخِرُونَ
سَاعَةً وَلَا يَسْتَقْدِمُونَ
“Tiap-tiap
umat ngabogaan ajal (wates waktu). Saupama geus datang ajalna, maranehanana
moal bisa ngundurkeunana sasaat oge, jeung oge moal bisa ngamajukeunana”
Salah
sawios pakar katatangaraan muslim, nyaeta Ibnu Khaldun, nyaurkeun, lami
henteuna umur hiji rezim gumantung kana
opat generasi: generasi anu ngarintis, generasi anu ngawangun, generasi anu ngaraoskeun
nikmat, sareng generasi anu ngareksak. Siklus atanapi puteran hiji rezim seueur
ditangtoskeun ku generasi anu ngaraoskeun nikmat tina hasil generasi anu
ngarintis sareng generasi anu ngawangun eta. Saupami generasi penikmat eta tiasa
ngajagi nilai-nilai ideal rezimna, rezim eta bakal tetep nanjeur sareng panjang umurna. Sawangsulna, saupami
nilai-nilai eta parantos henteu diperhatoskeun deui, maka bakal lahir generasi
penghancur anu nutup kajayaan rezim eta.
Kaum
muslimin rahimakumullah.
Allah SWT
parantos ngalungsurkeun mangrupi-rupi nikmat ka umat manusa. Dumasar kana
pituduh Allah SWT, panjang pondokna umur hiji umat, kaum, atanapi bangsa, aya korelasina sareng urusan sikep umat
eta dina mayunan nikmat Allah. Kajayaan sareng kabinasaan eta umat ditangtoskeun
ku sakumaha sareng dugi kamana umat eta tiasa syukuran kana nikmat anu parantos
dianugerahkeun ku Allah SWT ka maranehanana. Dina
Surat Ibrahim (14) ayat 7 Allah SWT ngadawuh:
لَئِنْ شَكَرْتُمْ لَأَزِيدَنَّكُمْ
وَلَئِنْ كَفَرْتُمْ إِنَّ عَذَابِي لَشَدِيدٌ
“Saestuna
lamun aranjeun syukuran, tangtu kami baris nambahan (nikmat) ka aranjeun, jeung
lamun aranjeun ingkar (kana nikmat), saestuna siksa Kami kacida nyerina”
Umat anu teu syukuran nyaeta
maranehanana anu ingkar kana kurnia
Allah anu dipaparinkeun ka maranehanana. Umat anu sapertos kieu, dina al-Quran,
diancam kalayan tegas, jeung lamun aranjeun ingkar (kana nikmat), saestuna siksa
Kami kacida nyerina.
Kufur atanapi ingkar kana nikmat
anu ngabalukarkeun musnahna hiji umat ku azab Allah SWT, parantos seueur
dicontokeun ku al-Quran ngalangkungan kisah-kisah umat tipayun. Umat-umat anu
binasa akibat tina kufur nikmat ieu diantawisna nyaeta umat Nabi Nuh anu ancur
akibat banyir tsunami, umat Nabi Luth anu porak poranda alatan gempa bumi anu
dahsyat, umat Nabi Saleh anu binasa akibat katarajang virus panyakit hewan anu
nular ka manusa, oge kasangsaraan umat-umat darolim sanesna akibat tina paceklik, bencana halodo panjang,
sareng serangan hama kana tatanen-tatanen maranehanana.
Siksa Allah oge tiasa muncul dina
bentuk rasa sieun sareng hariwang kumargi tumbuh suburna tingkat kajahatan,
kriminalitas, nyebarna wabah panyakit menular, karusuhan-karusuhan sosial,
atanapi peperangan antarkelompok anu ngabalukarkeun korban jalmi-jalmi anu teu
dosa.
Kaum muslimin sidang Jumat anu
miharep rahmat
Allah.
Lumangsungna
peperangan di Negara Suriah wangkid ayeuna, oge persoalan-persoalan politik nu
teu rengse-rengse paska tumbangna rezim Saddam Husen di Irak, Moammar Khadafi
di Libya, atanapi Hosni Mubarak di Mesir, mangrupikeun ekses tina berakhirna
kajayaan rezim-rezim di Negara eta. Padahal rezim-rezim eta aslana ti
nagara-nagara anu notabene muslim. Tiasa janten peperangan saudara atanapi
kasangsaraan rahayat anu ditimbulkeunana mangrupikeun salah sawios bentuk
bencana anu aya kaitanana sareng kirangna syukuran kana nikmat Allah. Kufur
nikmat tiasa muncul ti pamingpin rezim atanapi rahayat. Saupami pamingpin
henteu peduli deui kana hak sareng kawajibanana ka rahayat, pamarentahan baris
dilaksanakeun sacara otoriter, sementara rahayat teras-terasan ngintip
kasalahan pamingpin, lajeng ngadramatisir kasalahan-kasalahan eta sahingga nimbulkeun
aksi penggulingan, chaos sareng anarkisme di mana-mana. Saupami
kaayaanana janten sapertos kieu, sadaya pihak kedah introspeksi diri, naon
saleresna anu baris dipilari dina kahirupan ieu? Masyarakat moal mungkin maksa
pamingpinna sangkan jadi saperti malaikat anu teu ngabogaan khilaf, sabalikna
pamingpin oge moal tiasa saolah-olah jadi Pangeran anu parentahanana salamina
ditumutan ku malaikat sarta teu pernah dipumpang.
Kaum
muslimin rahimakumullah.
Ku kisah
umat-umat tipayun sapertos dijelaskeun dina al-Quran sareng conto-conto
kajantenan mangsa ayeuna anu nimpa komunitas masyarakat anu aya disabudeureun
urang, urang tiasa ngajantenkeun hal-hal eta sebagai pelajaran anu berharga
atanapi ‘ibroh, yen sahebat-hebatna hiji bangsa, kaum atanapi umat baris
aya wates mangsana. Hirup sareng binasana hiji umat aya korelasina sareng sikap
syukur atanapi kufur kana nikmat anu parantos dipaparinkeun ku Allah. Kumargi
sakitu, dina situasi kumaha wae, urang salaku umat ti Nabi Muhammad SAW kedah
tiasa syukuran kana nikmat Allah, bade saalit atanapi seueur, malah mandar pahala
tina syukur eta Allah maparin panangtayungan sareng rasa aman di negeri urang. Aamiin
Ya Allah Ya Rabbal Aalamiin…
...............................................
اَلْحَمْدُ لِلَّهِ
وَالصَّلاَةُ وَالسَّلاَمُ عَلَى رَسُوْلِ اللهِ سيدنا محمد ابن عبد الله، وَلاَ
حَوْلَ وَلاَ قُوَّةَ إِلاَّ بِاللهِ. أَشْهَدُ أَنْ لاَ إِلَهَ إِلاَّ الله
وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ.
اَللَّهُمَّ صَلِّ وَسَلِّمْ وَبَارِكْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ.
مَعَاشِرَ الْمُسْلِمِيْنَ أَرْشَدَكُمُ اللهُ ... أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ َ الْمُتَّقُوْنَ. يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا. أللهم صل وسلم على سيدنا محمد وعلى آله وصحبه أجمعين آمين. أللهم اغفر للمسلمين والمسلمات والمؤمنين والمؤمنات الأحياء منهم والأموات, ربنا آتنا من لدك رحمة وهيِّء لنا من أمرنا رشدا. رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا ز.َبَّنَآ ءَاتِنَا فِي الدُّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النَّارِ وَالْحَمْدُ لِلَّهِ رَبِّ الْعَالَمِيْنَ.
اَللَّهُمَّ صَلِّ وَسَلِّمْ وَبَارِكْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ.
مَعَاشِرَ الْمُسْلِمِيْنَ أَرْشَدَكُمُ اللهُ ... أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ َ الْمُتَّقُوْنَ. يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا. أللهم صل وسلم على سيدنا محمد وعلى آله وصحبه أجمعين آمين. أللهم اغفر للمسلمين والمسلمات والمؤمنين والمؤمنات الأحياء منهم والأموات, ربنا آتنا من لدك رحمة وهيِّء لنا من أمرنا رشدا. رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا ز.َبَّنَآ ءَاتِنَا فِي الدُّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النَّارِ وَالْحَمْدُ لِلَّهِ رَبِّ الْعَالَمِيْنَ.
Artikel Lainnya:
0 comments:
Posting Komentar