 |
Jumat, 16 Maret 2012
Kaum Mu'min Ibarat Nyiruan
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لا نبي بعده . اَللَّهُمَّ صَلِّ وَسَلِّمْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ. أَمَّا بَعْدُ, فيا مَعَاشِرَ الْمُسْلِمِيْنَ أُوْصِيْكُمْ وَإِيَّايَ بِتَقْوَى اللهِ عز وجل فقد فاز المتقون قال الله: وَاَوْحى رَبُّكَ اِلَى النَّحْلِ أَنِ اتَّخِذِىْ مِنَ الْجِبَالِ بُيُوْتًا وَمِنَ الشَّجَرِ وَمِمَّا يَعْرِشُوْنَ ثُمَّ كُلِى مِنْ كُلِّ الثَّمَرتِ فَاسْلُكِىْ سُبُلَ رَبِّكَ ذُلُلاً يَخْرُجُ مِنْ بُطُوْنَهَا شَرَابٌ مُّخْتَلِفٌ أَلْوَانُهُ فِيْهِ شِفَاءٌ لِلنَّاسِ اِنَّ فِى ذلِكَ َلأيَةً لِقَوْمٍ يَتَفَكَّرُوْنَ.
Ma’asyiral muslimin rahimakumullah ...
Kangjeng Rosululloh Saw parantos maparin ibarat pikeun kahirupan jalma mu’min nyaeta sapertos kahirupan nyiruan. Pidawuhna :
مثل المؤمن كمثل النحلة، إن أكلت أكلت طيبا وإن وضعت وضعت طيبا وإن وقعت على عود نخر لم تكسره
“Misal manusa Mu’min teh saperti nyiruan. Upama manehna barang dahar mangka dahareunnana anu aralus, jeung dimana ngaluarkeun naon bae tina awakna mangka nu dikaluarkeun-nana oge barang anu aralus. Jeung upama manehna eunteup sok sanajan dina regang anu koropok mangka tempat eunteupna saeutik oge henteu jadi ruksak”. (Al-Hadits, Kanzul ‘Ummal)
Tina ibarat tadi aya tilu rupi sikep positif picontoeun urang anu kedah mancer tina kahirupan jalma Mu’min. Kahiji, rizki anu dipake pikeun nyumponan kabutuh hirup sapopoe dihasilkeun tina rizki anu sae kalawan diusahakeun ku cara anu halal (halaalan thoyyiban). Kadua, naon bae anu dipimilik (harta, tanaga, harti, perbuatan) digunakeun pikeun amal kahadean nu mere mangpa’at tur maslahat ka sasama. Katilu, henteu nimbulkeun mudarat atanapi karuksakan pikeun lingkungan boh lingkungan sosial atanapi lingkungan alam.
Rosululloh SAW maparin tamsil pikeun kahirupan jalma Mu’min ku nyiruan tadi, lantaran makhluk Alloh anu hiji eta mibanda sipat-sipat anu positif konstruktif dina enggoning ngawangun tatanan masyarakat anu kiat tur beradab.
Dina al-Qur’an aya salah sahiji surat anu dinamian an-Nahl anu hartosna nyiruan. Dina eta surat Alloh SWT ngadawuh:
وَاَوْحى رَبُّكَ اِلَى النَّحْلِ أَنِ اتَّخِذِىْ مِنَ الْجِبَالِ بُيُوْتًا وَمِنَ الشَّجَرِ وَمِمَّا يَعْرِشُوْنَ ثُمَّ كُلِى مِنْ كُلِّ الثَّمَرتِ فَاسْلُكِىْ سُبُلَ رَبِّكَ ذُلُلاً يَخْرُجُ مِنْ بُطُوْنَهَا شَرَابٌ مُّخْتَلِفٌ أَلْوَانُهُ فِيْهِ شِفَاءٌ لِلنَّاسِ اِنَّ فِى ذلِكَ َلأيَةً لِقَوْمٍ يَتَفَكَّرُوْنَ.
“Jeung Pangeran aranjeun geus ngawahyukeun ka nyiruan, prak jarieun sayang di lamping-lamping gunung, dina tatangkalan kai jeung imah-imah nu diadegkeun ku manusa. Pek dalahar tina rupa-rupa bubuahan jeung prak tempuh jalan Pangeran anjeun nu geus digampangkeun pikeun aranjeun. Tina beuteungna ka luar madu nu rupa-rupa warnana, dina (eta madu) aya ubar anu nyageurkeun pikeun manusa. Saestuna dina eta perkara aya tanda-tanda (Kaagungan Alloh) pikeun jalma-jalma anu malikir”. (QS. an-Nahl, 16: 68-69)
Dina ayat ieu Alloh SWT nyungkeun perhatosan ti urang sadaya sangkan merhatikeun kahirupan nyiruan. Alloh SWT parantos maparin naluri ka nyiruan pikeun gawe babarengan nyieun sayangna: di lamping-lamping gunung, dina tatangkalan jeung di imah-imah manusa. Nyiruan di pasihan kagampangan pikeun ngumpulkeun dahareunana tina sari-sari bubuahan jeung kekembangan. Nyiruan dipasihan kamampuhan ku Gusti Alloh SWT pikeun ngarobah dahareun jadi madu anu rupa-rupa warnana sarta amis rasana. Madu nyiruan jadi obat anu mangpa’at pikeun kasehatan manusa. Sajaba ti eta, nyiruan ngabogaan sifat kapahlawanan. Upama sayangna diganggu maranehna siap nyerang jeung nyeureud pikeun mempertahankeun eksistensina sok sanajan kudu ditebus ku nyawana.
Kangjeng Rosululloh SAW maparin tamsil pikeun kahirupan jalma Mu’min saperti kahirupan nyiruan, maksadna:
- Umat Mu’min kudu resep digawe babarengan, rempug jukung sauyunan pikeun ngawangun nagarana, ngajaga kahormatan sa-reng kadaolatan bangsana tina gangguan pihak luar sahingga kahirupan bangsa jeung masarakatna tartib, aman, sejahtera.
- Pikeun nyumponan kabutuhan hirup satiap Mu’min kudu getol neangan rizki anu beresih tur halal, henteu ngahalalkeun sagala cara anu ngalanggar kana aturan. Sabab satiap palanggaran kana aturan boh aturan Alloh boh aturan manusa bakal ngahesekeun jeung ngarugikeun diri sorangan sarta bakal nga-rugikeun jalma sejen.
- Sakumaha nyiruan nu mere mangpa’at ku maduna, mangka jalma Mu’min kudu mere mangpa’at jeung maslahat ka sasama boh ku hartana boh ku perbuatannana.
Kaom Muslimin Rohimakumulloh
Saperti nyiruan, kitu kedahna sikep sareng sifat kahirupan urang di tengah-tengah masarakat. Sahingga di mana bae urang cicing bakal mere harti jeung mere eusi, berma’na jeung berguna pikeun kahirupan masarakat, bangsa, sareng nagara. Dina al-Qur’an Gusti Alloh SWT nerangkeun sifat-sifat nyiruan sangkan umat mu’min nyandak eunteung jeung pangajaran tina kahirupan nyiruan, ulah kawas laleur. Nyiruan tara eunteup di sambarang tempat. Tempat eunteupna, dahar jeung nginumna dipilih. Henteu kitu kaayaan laleur, dahar, nginum jeung eunteupna sambarangan, di tempat anu kotor jeung rujit oge taya masalah. Geus kitu hiber ka mana mendi lain mere mangpa’at tapi nyebarkeun panyakit, nimbulkeun madarat.
Mu’min anu takwa oge lain siga lancah nu nyieun sayang ngahaja keur ngajiret sasama makhluk Alloh anu lemah, getihna di-seuseup taya rasrasan. Mu’min anu takwa lain saperti lancah anu sok ngarah ngarinah neangan untung jeung kakawasaan pikeun diri pribadi tina katunggaraan sasama.
Jalma Mu’min oge lain siga hileud. Hileud cicing dina daun anu seger sarta dijadikeun dahareun, digulung jeung digares nepi ka ruksak. Manehna teu paduli teu ambil pusing. Anu penting asal beuteungna seubeuh naon oge bakal digares sok sanajan kudu ngaruksak lingkungan tempat cicingna.
Hadirin Rohimakumulloh
Kalawan nyandak i’tibar tina kahirupan makhluk-makhluk Gusti Alloh tadi mugi-mugi bae hirup sareng kahirupan urang, kalungguhan sareng peranan urang di mana bae, iraha bae sareng dina status atanapi posisi naon bae tiasa berguna sareng mangpa’at pikeun saha bae: sasama, bangsa, sareng nagara urang.
Akhirna mung ka Gusti Alloh SWT urang nyuhunkeun pangampura, rohmat, taufik sareng hidayah-Na.
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ.
..........................................
اَلْحَمْدُ لِلَّهِ وَالصَّلاَةُ وَالسَّلاَمُ عَلَى رَسُوْلِ اللهِ سيدنا محمد ابن عبد الله، وَلاَ حَوْلَ وَلاَ قُوَّةَ إِلاَّ بِاللهِ. أَشْهَدُ أَنْ لاَ إِلَهَ إِلاَّ الله وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ.
اَللَّهُمَّ صَلِّ وَسَلِّمْ وَبَارِكْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ.
مَعَاشِرَ الْمُسْلِمِيْنَ أَرْشَدَكُمُ اللهُ ... أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ َ الْمُتَّقُوْنَ. يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا. أللهم صل وسلم على سيدنا محمد وعلى آله وصحبه أجمعين آمين. أللهم اغفر للمسلمين والمسلمات والمؤمنين والمؤمنات الأحياء منهم والأموات, ربنا آتنا من لدك رحمة وهيِّء لنا من أمرنا رشدا. رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا ز.َبَّنَآ ءَاتِنَا فِي الدُّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النَّارِ وَالْحَمْدُ لِلَّهِ رَبِّ الْعَالَمِيْنَ.
اَللَّهُمَّ صَلِّ وَسَلِّمْ وَبَارِكْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ.
مَعَاشِرَ الْمُسْلِمِيْنَ أَرْشَدَكُمُ اللهُ ... أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ َ الْمُتَّقُوْنَ. يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا. أللهم صل وسلم على سيدنا محمد وعلى آله وصحبه أجمعين آمين. أللهم اغفر للمسلمين والمسلمات والمؤمنين والمؤمنات الأحياء منهم والأموات, ربنا آتنا من لدك رحمة وهيِّء لنا من أمرنا رشدا. رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا ز.َبَّنَآ ءَاتِنَا فِي الدُّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النَّارِ وَالْحَمْدُ لِلَّهِ رَبِّ الْعَالَمِيْنَ.
Artikel Lainnya:
0 comments:
Posting Komentar