Peta Situs
Sering Dibaca
-
ا لله أكبر 9 لا إله إلا الله والله أكبر الله أكبر ولله الحمد. الحمدلله الذى أنعم علينا بيوم العيد، أشهد أن لا إله إلا الله الحميد المجيد،...
-
الْحَمْدُ للهِ الَّذِي يُنِيْرُ بِالْهُدَى دُرُوْبَ الْمُؤْمِنِيْنَ، أَشْهَدُ أَنْ لاَّ إِلَهَ إِلاَّ الله وَأَشْهَدُ أَنَّ مُحَمَّدًا عَبْ...
Diberdayakan oleh Blogger.
Jumat, 31 Agustus 2012
Ngabersihkeun Hate
الحمد لله والصلاة والسلام على رسول الله سيدنا محمد وعلى آله وصحبه ومن والاه. أشهد
أن لا إله إلا الله وأشهد أن محمدا عبده ورسوله, أما بعد, فيا عباد الله اتقواالله حق تقاته ولا تموتن إلا وأنتم مسلون، قال الله
تعالى يوم لا
ينفع مال ولا بنون إلا من أتى الله بقلب سليم
Ma’asyiral Muslimin anu miharep rahmat Allah.
Padamelan hiji jalmi mangrupikeun pantulan atanapi cerminan tina kaayaan
jiwana. Hate sareng emutan anu bersih tiasa mantulkeun padamelan anu manfaat
kangge kahirupan umat manusa. Sedengkeun kaayaan hate anu kotor, tiasa ngalahirkeun padamelan sia-sia sareng awon anu ngarugikeun diri nyalira atanapi jalmi
sanes. Numawi kitu, bagja jalmi anu sok ngabersihkeun jiwana, sareng rugi anu
sok ngotoranana, sakumaha kaunggel dina dawuhan Allah SWT (Asy-Syams: 9-10):
قَدْ أَفْلَحَ مَنْ زَكَّاهَا وَقَدْ خَابَ مَنْ دَسَّاهَا
“Saestuna bagja pisan jalma anu meresihan dirina, jeung cilaka pisan anu
ngotoran dirina”.
Dina tafsirna, Al-Baghawi ngajelaskeun jalmi anu ngabersihkeun dirina
nyaeta anu ngomean sareng mawa dirina kana to’at ka Allah, sedengkeun jalmi anu
ngotoran dirina nyaeta anu ngareksak, nyasarkeun sarta mawa dirina kana
ma’siat.
Saupami urang uninga, yen bekel anu tiasa nyalametkeun urang jaga di
akherat nyaeta mung amal anu didadasaran ku hate anu beresih, maka tos
sawajarna pikeun urang kangge merhatoskeun kaberesihan hate ieu. Dina du’a Nabi
Ibrohim AS kauninga yen jalmi-jalmi anu moal kenging kahinaan engke dina poe
kiamat nyaeta jalmi-jalmi anu madep ka Allah bari nyandak hate anu beresih.
وَلا
تُخْزِنِي يَوْمَ يُبْعَثُونَ يَوْمَ لا يَنْفَعُ مالٌ وَلا بَنُونَ إِلاَّ مَنْ أَتَى اللَّهَ بِقَلْبٍ سَلِيمٍ
“Sareng mugi Gusti henteu ngahinakeun abdi dina poe (jalma-jalma)
dihudangkeun, nyaeta dina poe harta sarta budak-budak henteu aya gunana, kajaba
jalma anu madep ka Allah kalayan hate anu beresih” (Asy-Syu’ara’: 87-89).
Hate anu bersih ngalahirkeun amal anu didadasaran ku kaikhlasan sanaos
amal eta katingalna alit. Saageung sareng saseueur kumaha wae amal anu
dipidamel, saupami henteu dibingkai ku kaikhlasan sareng henteu lahir tina kaayaan hate anu bersih, maka amal eta
bakal alit nilaina dipayuneun Allah SWT. Nanging sakumaha alitna
hiji amal, saupami amal eta lahir tina kaikhlasan, tina kaayaan hate anu
bersih, maka eta amal bakal ageung nilaina dipayuneun Allah SWT.
رب عمل كبير تصغره النية, ورب عمل صغير تعظمه
النية
Hadirin Rahimakumullah.
Kaayaan badan jasmani anu kotor bakal awon katingalna ku paningal,
malihan saur elmu kasehatan kakotoran janten sumber tina rupi-rupi panyawat. Henteu
benten sareng badan jasmani, kaayaan hate anu kotor tiasa nimbulkeun panyawatna; saupami hate parantos kakeunaan panyawatna, maka henteu mustahil hate eta bakal janten sumber tina akhlak anu awon. Anu langkung bahaya deui, saupami hate anu kotor atanapi ngagaduhan
panyawat eta henteu enggal-enggal diberesihan atanapi dilandongan, maka
lami-lami hate eta moal awas deui atanapi respek dina ningal kasaean, anu
akhirna janten teuas sareng karahaan. Saupami hate parantos teuas sareng karahaan,
maka pitutur naon wae oge bakal sesah
nembus sareng nyadarkeun hiji jalmi. Jangji-jangji walesan ti Allah henteu
mampuh ngamotivasi manehanana pikeun midamel kasaean, sedengkeun rupi-rupi
ancaman sareng perkara maot anu dina hiji saat tiasa ngarenggut, henteu mampuh
ngageterkeun hatena. Jalmi anu hatena parantos dilalikeun, henteu kantos
ngemutkeun maot sarta kahirupan di alam barzakh sareng negeri akherat.
Anjeuna nebihan jalmi-jalmi anu justeru bakal nganasehatan sareng nyadarkeun
ngeunaan rupi-rupi kataatan. Dinten-dintenna dilangkungan kitu wae bari henteu
aya paningkatan dina amal, malihan sawangsulna dosa sareng ma’siat ditumpuk-tumpuk.
Hadirin ahli Jum’at.
Seueur cara sareng kiat anu diajarkeun ku Islam kangge ngabersihkeun hate sapertos kitu. Anu kahiji,
ku cara nyeueurkeun istighfar (nyuhunkeun pangapunten) ka Allah tina
padamelan-padamelan dosa sareng lepat bari disarengan tekad kangge henteu
ngulang padamelan eta. Allah SWT ngadawuh (Ali Imran: 135)
وَالَّذِينَ إِذَا
فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا
لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى
مَا فَعَلُوا وَهُمْ يَعْلَمُونَ
“Jeung jalma-jalma anu saupama
milampah kajahatan atawa nganiaya dirina, buru-buru inget ka Allah, sarta terus
menta pangampura pikeun dosa-dosana. Jeung saha deui anu bisa ngahampura dosa
salian ti Allah. Jeung maranehna henteu nuluykeun milampah (kagorengan eta),
da maranehna nyaraho”
Anu kadua, ku cara ngabiasakeun dzikir ku lisan, hate sareng
ku amal padamelan. Dzikir bakal nyumpingkeun katengtreman hate, upami hate
parantos tengtrem insya Allah kabagjaan sareng padamelan sae oge bakal nyusul,
sakumaha diuningakeun dina al-Qur’an S. Ar-Ra’du ayat 28-29.
الَّذِينَ
آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ
تَطْمَئِنُّ الْقُلُوبُ, الَّذِينَ آَمَنُوا وَعَمِلُوا الصَّالِحَاتِ طُوبَى
لَهُمْ وَحُسْنُ مَآَبٍ
Dzikir ibarat proses ngasah peso anu dijalankeun ku hiji jalmi nalika anjeuna
miharep aya sifat seukeut tina eta peso. Saupami peso eta sering diangge dina
keukeureutan, tangtos lami-lami mah bakal mintul anu akhirna teu tiasa diangge
ngeureut. Nyakitu deui hate, saupami hate sering diangge nanging henteu kantos
diasah ngalangkungan dzikrullah, lami-lami mah jenten mintul anu
ngabalukarkeun jalmi sesah midamel kasaean.
Kaum muslimin rahimakumullah.
Cara salajengna kangge ngabersihkeun hate nyaeta ku mayar zakat, nyeueurkeun
infak sareng sedekah. Kasadaran kangge mayar zakat, infak sareng sedekah ieu
tiasa ngembangkeun sareng nyumpingkeun kaberkahan dina harta anu dipimilik,
sarta tiasa ngabersihkeun hate sareng emutan tina reregedna. Jalmi anu sesah
ngaluarkeun hartana kangge kasaean, padahal anjeuna ngagaduhan eta harta, tiasa
janten akibat tina sifat tamak (rakus) sareng pedit (bukhl) anu
ngancik dina dirina. Tamak sareng pedit ieu mangrupikeun panyawat sareng
rereged hate anu sering ngahalang hiji jalmi tina padamelan sae. Numawi jalmi
anu rakus kana harta atanapi sesah ngaluarkeun harta kangge kasaean, teu patos
dipikaresep malihan ditebihan ku balarea. Kumargi sakitu, kangge ngabersihkeun
hate tina kotoran-kotoranana eta, Al-Qur’an tebih-tebih parantos marentahkeun
sangkan si jalma mayar zakat. Ku mayar zakat, infak sareng sedekah, anjeuna
pada hakekatna parantos miceun kokotor-kokotor hatena, sanes miceun hartana.
Allah nguningakeun (S. At-Taubah: 103):
خُذْ مِنْ أَمْوَالِهِمْ
صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ إِنَّ صَلَاتَكَ
سَكَنٌ لَهُمْ وَاللَّهُ سَمِيعٌ عَلِيمٌ
“Jeung
cokot sedekah tina sabagian harta maranehanana. Ku jalan kitu anjeun
ngaberesihan jeung nyucikeun maranehanana. Jeung pek du’akeun maranehanana,
karana saestuna du’a anjeun teh jadi katengtreman pikeun maranehna. Jeung Allah
Maha ngadangu tur Maha Uninga”
بارك
الله لى ولكم
_______________
الحمد لله رب العامين
وبه نستعين والصلا والسلام على سيد المرسلين محمد وعلى آله وصحبه اجمعين. أشهد أن
لا إله إلا الله وأشهد أن محمدا عبده ورسوله. أما بعد, فيا عباد الله أوصينى نفسى
وإياكم بتقوى الله وطاعته لعلكم تفلحون وقال تعالى فاسجدوا
لله واعبدوا. أللهم صل وسلم على
سيدنا محمد وعلى آله وصحبه أجمعين آمين: أللهم اغفر للمسلمين
والمسلمات والمؤمنين والمؤمنات الأحياء منهم والأموات, أللهم اجعلنا من الذين إذا ذكر الله وجلت قلوبهم وإذا تليت
عليهم آياته زادتهم إيمانا وعلى ربهم يتوكلون ربنا آتنا من لدك رحمة
وهيِّء لنا من أمرنا رشدا.
عباد
الله , إنالله يأمر بالعدل والإحسان وإيتاء ذى القربى وينهى عن الفحشاء والمنكر
والبغي يعظكم لعلكم تذكرون أستغفرالله العظيم لى ولكم.
0 comments:
Posting Komentar