Kumpulan Catatan: Zionisme & Tayangan Mesum

الحمد لله الذى أنعمنا بنعمة الإيمان والإسلام. والصلاة والسلام على خيرالأنام سيدنا محمد وعلى آله وصحبه وتابعيه على الدوام. أشهد أن لا إله إلاالله وحده لا شريك له وأشهد أن سيدنا محمدا عبده ورسوله لا نبي بعده. أما بعد، فَيَا عِبَادَ اللهِ, أُوْصِيْكُمْ وَإِيَّاىَ بِتَقْوَى اللهِ فَقَدْ فَازَ الْمُتَّقُوْنَ. وَتَزَوَّدُوْا فَإِنَّ خَيْرَ الزَّادِ التَّقْوَى، وقال الله تعالى: ياأيها الذين آمنوا لا تتخذوا اليهود والنصارى أولياء بعضهم أولياء بعض ... وقال ياأيها الذين آمنوا قوا أنفسكم وأهليكم نارا وقودها الناس والحجارة ...

Hadirin sidang jum’at rahimakumullah.

Dina minggon-minggon pengker ieu, media-media televisi, radio, koran oge internet sakirang-kirangna parantos gencar nyuguhkeun dua berita anu justeru kirang nyugemakeun sareng ngusik kana sisi emosionalitas urang salaku manusa sareng makhluk anu nyepeng moralitas oge agama.

Anu kahiji, kasus kadoliman anu dilakukeun ku tentara Israel ka rombongan kapal Mavi Marmara anu ngangkut bantosan kamanusaan kangge warga Palestina di jalur Gaza. Kawartoskeun puluhan relawan kenging luka tembak ti tentara Israel, malihan sababaraha diantawisna tiwas. Kajantenan ieu parantos ngagetkeun, malihan ngabalukarkeun kecaman warga dunia, wireh anu diserang sanes para gorombolan penjahat nanging para relawan anu nyandak misi perdamaian dina raraga nyalurkeun bantosan kanggo warga Gaza anu diblokade ku pamarentahan Israel. Kabrutalan ieu beuki ngabuktoskeun yen zionis Israel leres-leres parantos buta hati-buta mata sareng henteu merhatoskeun hak-hak asasi manusa dina ngarengsekeun hiji masalah. Urang diemutkeun deui ku dawuhan Allah SWT dina al-Quran:

لتجدن أشد الناس عداوة للذين آمنوا اليهود والذين أشركوا ...

“Saestuna anjeun bener-bener bakal manggihan jalma-jalma anu kacida kuat ngamusuhanana ka jalma-jalma anu iman nyaeta jalma-jalma Yahudi jeung jalma-jalma musyrik” (al-Maidah:2).

Zionis Israel laluasa dina ngalakukeun kajahatan-kajahatanana, kumargi aya nagara adidaya anu janten sekutu sareng ngabela kapentingan-kapentingan politikna di Timur Tengah, sementawis nagara-nagara Islam anu aya di sabudeureunana, oge anu kagabung dina Organisasi Konferensi Islam (OKI) kirang berdaya, mandul, margi henteu sauyunan, masing-masing ngagaduhan sikep anu benten dina mayunan permasalahan Palestina. Anu tiasa dilakukeun ku para pamingpin dunia Islam mung nyowantenkeun kecaman sareng kecaman, bari henteu tiasa nyarengan ku tindakan nyata ngeureunkeun kekerasan bangsa zionis Israel. Padahal, saupami nagara-nagara Islam ngahiji tangtos ieu bakal janten hiji kakiatan ageung anu dipikahariwang ku nagara-nagara Barat oge Israel. Kumargi sakitu, wahai umat Islam geura ngahiji deui, sumangga urang sasarengan nyepeng tali agama Allah ku nyingkirkeun kapentingan-kapentingan sasaat, demi ngabela perjoangan dulur-dulur urang di Palestina dina mertahankeun hak-hakna anu ditindas, didolim, sareng dirampas lemah caina ku zionis anu bengis. Allah SWT parantos marentahkeun sangkan jalma-jalma iman ngahiji sadayana, ulah papisah sewang-sewangan, kantenan silih musuhan mah:

واعتصموا بحبل الله جميعا ولا تفرقوا واذكروا نعمت الله عليكم إذ كنتم أعداء فألف بين قلوبكم فأصبحتم بنعمته إخوانا

“Jeung cekel sing pageuh ku aranjeun tali agama Allah, jeung ulah paburencay. Sing inget kana ni’mat Allah anu geus dibikeun ka aranjeun, nalika aranjeun marumusuhan tuluy Allah ngarukunkeun hate-hate aranjeun. Maka ku ni’mat Allah eta aranjeun jaradi dulur…” (Ali ‘Imran: 103).

Dumasar kana dawuhan Rasulullah SAW ngeunaan karakter jalmi-jalmi iman, Imam ath-Thabary dina tafsirna ngajelaskeun yen jalmi-jalmi mu’min saleresna dina silih pikanyaah sareng silih pikadeudeuh diantawis maranehanana samartabat sareng hiji jasad. Saupami sabagian jasad ngaraoskeun aya kanyeri, maka bagian jasad anu sanesna bakal silih gero dina pada ngaraoskeun panas sareng teu tiasa sarena.

إنما المؤمنون في تراحُمهم وتعاطفهم بينهم بمنزلة الجسد الواحد، إذا اشتكى بعضه تداعى له سائر الجسد بالحُمَّى والسهَر

Pertarosanana ayeuna naha urang kantos teu tiasa kulem sareng demam kumargi ngaraoskeun kanyeri dulur-dulur muslim urang di Palestina?

Hadirin kaum muslimin anu miharep rahmat Allah.

Salajengna, kasus kadua anu teu kinten ngisinkeunana sareng janten kaprihatinan urang sadaya nyaeta ngeunaan sumebarna tayangan-tayangan mesum di internet ku pihak-pihak anu teu tanggelwaler. Kaprihatinan ieu langkung nambihan, wireh aktor-aktor anu aya dina tayangan eta identik sareng jalmi-jalmi anu salami ieu dikenal janten artis atanapi public figure sarta diidolakeun ku putra-putri urang. Suguhan tayangan-tayangan mesum eta, gampil pisan diakses ngalangkungan handphone anu langsung atanapi henteu, tangtos bakal nyesakeun dampak psikologis anu kiat diantawis putra-putri urang. Balukarna, kalangan remaja urang tiasa kadorong pikeun ngalakukeun perzinahan sarta kahirupan sex bebas anu dilarang ku agama sareng norma kasusilaan alatan pangaruh public figure-na sareng teu kakendalikeun hasrat biologisna. Urang tangtos henteu ridla sareng henteu miharep saupami putra-putri urang janten generasi anu tebih tina nilai-nilai agama, ngantunkeun shalat sarta ngalajur nafsu syahwatna sapertos kitu, sakumaha dawuhan Allah:

فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا

“Maka datang saenggeus maranehanana, generasi (anu goreng) anu nyia-nyiakeun shalat jeung nuturkeun nafsu syahwatna, maka maranehanana jaga bakal manggihan kabinasaan…” (QS. Maryam: 59).

Kuayana sakitu, urang salaku sepuh ti murangkalih-murangkalih urang, kedah tiasa ngaping, ngatik, sareng ngajagi aranjeuna tina pangaruh-pangaruh negatif eta, diantawisna ku cara masihan pangawasan sareng kontrol dina ngagunakeun telepon seluler. Masalih ieu peryogi diperhatosan kuurang kumargi salah sawios hasil panalungtikan netelakeun, ternyata tilu diantawis sapuluh murangkalih anu yuswana sapuluh taun kantos mukaan situs-situs porno ngalangkungan handphone sareng internet.

بارك الله لى ولكم فى القرآن العظيم ونفعنى واياكم بما فيه من الايات والذكر الحكيم وتقبل الله منى ومنكم تلاوته انه هو السميع العليم

اَلْحَمْدُ لِلَّهِ وَالصَّلاَةُ وَالسَّلاَمُ عَلَى رَسُوْلِ اللهِ سيدنا محمد وعلى آله وصحبه ومن واله، وَلاَ حَوْلَ وَلاَ قُوَّةَ إِلاَّ بِاللهِ. أَشْهَدُ أَنْ لاَ إِلَهَ إِلاَّ الله وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. فيا مَعَاشِرَ الْمُسْلِمِيْنَ أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ َ الْمُتَّقُوْنَ. يَا َيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَن يُطِعْ اللَّهَ وَرَسُولَهُ فَقَدْ فَازَ فَوْزًا عَظِيمًا. أللهم صل وسلم على سيدنا محمد وعلى آله وصحبه أجمعين آمين: أللهم اغفر للمسلمين والمسلمات والمؤمنين والمؤمنات الأحياء منهم والأموات, اللّهمَّ حَبِّبْ إلَيْنَا الإيمَانَ وَزَيِّنْهُ فِي قُلُوْبِنَا وَكَرِّهْ إلَيْنَا الْكُفْرَ وَالْفُسُوْقَ وَالْعِصْيَانَ وَاجْعَلْنَا مِنَ الرَّاشِدِيْنَ اللهم عذِّبِ الكَفَرَةَ الذين يَصُدُّوْنَ عَنْ سَبِيْلِكَ ويُكَذِّبُوْنَ رُسُلَكَ ويُقاتِلُونَ أوْلِيَاءَكَ اللّهمَّ أَعِزَّ الإسْلاَمَ وَالمسلمين وَأَذِلَّ الشِّرْكَ والمشركين وَدَمِّرْ أعْدَاءَ الدِّينِ وَاجْعَلْ دَائِرَةَ السَّوْءِ عَلَيْهِمْ يا ربَّ العالمين .

عباد الله , إنالله يأمر بالعدل والإحسان وإيتاء ذى القربى وينهى عن الفحشاء والمنكر والبغي يعظكم لعلكم تذكرون أستغفرالله العظيم لى ولكم.

Kumpulan Catatan

Peta Situs

Sering Dibaca

Zionisme & Tayangan Mesum

Artikel Lainnya:

0 comments:

Posting Komentar