Peta Situs

Kumpulan Catatan
Kumpulan Catatan Kumpulan Catatan

Sering Dibaca

  • Nebihan Praktek Perdukunan
    إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْم...
  • Kapamingpinan
    الحمد لله الذى أنعمنا بنعمة الإيمان والإسلام. والصلاة والسلام على سيدنا محمد خيرالأنام وعلى آله وأصحابه وتابعيه على الدوام. أشهد أن لا إله ...
Diberdayakan oleh Blogger.
Home > > Mapag Taun Hijriyah 1433
Jumat, 25 November 2011

Mapag Taun Hijriyah 1433

05.16 | Diposkan Oleh: | Edit Entri
الحمد لله الذي أرسل رسوله بالهدى ودين الحق ليظهره على الدين كله ولو كره الكافرون. أشهد أن لا إله إلا الله الملك الحق المبين وأشهد أن محمدا عبده ورسوله صادق الوعد الأمين. أللهم صل وسلم على سيد المرسلين محمد وعلى آله وصحبه أجمعين. أما بعد, فيا عباد الله اتقواالله حق تقاته ولا تموتن إلا وأنتم مسلون، قال الله تعالى والذين آمنوا وهاجروا وجاهدوا في سبيل الله والذين آووا ونصروا أولئك هم المؤمنون حقا لهم مغفرة ورزق كريم


Kaum Muslimin Jama’ah Sholat Jum’at Rohimakumulloh.
Danget ieu, urang sadaya parantos aya dina penghujung taun 1432 hijriah. Kirang langkung sadinten atanapi dua dinten deui kapayun, urang bakal lebet kana taun enggal 1433 hijriah. Tangtos urang miharep dina taun enggal engke urang tiasa tinemu sareng perobihan-perobihan anu langkung sae tinimbang taun-taun anu parantos kalangkung, boh dina kahirupan dunya atanapi kahirupan akherat urang. Hal ieu sapagodos sareng ma’na hijrah anu hartosna “ngalih”, migrasi, nyaeta ngalih tina kaayaan anu awon kana kaayaan anu sae.


Hijrah dina sajarah Islam mangrupikeun hiji kajantenan monumental anu kalintang pentingna sanes wungkul kangge kahirupan Rasulullah SAW, nanging oge kangge pertumbuhan sareng perkembangan agama Islam. Kalintang pentingna peristiwa ieu, dugikakeun al-Qur’an ngabadikeunana dina surat Al-Anfaal ayat 74

وَالَّذِينَ ءَامَنُوا وَهَاجَرُوا وَجَاهَدُوا فِي سَبِيلِ اللهِ وَالَّذِينَ ءَاوَوْا وَنَصَرُوا أُولَئِكَ هُمُ الْمُؤْمِنُونَ حَقًّا لَهُمْ مَغْفِرَةٌ وَرِزْقٌ كَرِيمٌ
“Jeung jalma-jalma anu ariman,  anu hijrah, anu jihad dina jalan Alloh, jeung jalma-jalma anu mere panyalindungan jeung pitulung, maranehna jalma-jalma anu bener-bener ariman; pikeun maranehna pangampura jeung kurnia anu mulya”.



Kajantenan hijrah ieu mangrupikeun ngalihna Rasul sareng umat Islam sadaya ti kota Makkah ka Yatsrib anu salajengna kota ieu dinamian ku “Madinah Al-Munawarah”. Para ulama ngabagi hijrah, diantawisna dina dua hartos:

  • Kaluar tina darul kufur ngalih kana darul Islam,
  • Ngalih tina tempat anu pinuh ku peperangan sareng permusuhan kana tempat anu aman sareng pinuh ku kadamean.

Hadirin Ahli Jum’ah rahimakumullah.
Nilai filosofis anu tiasa dipetik ku urang tina kajantenan hijrahna Rasulullah SAW sareng umat Islam dina 14 abad kalangkung, nyaeta ayana upaya kangge ngarobih kaayaan hirup anu pinuh ku kasangsaraan kana kaayaan hirup anu langkung sae, aman sareng sajahtera. Umat Islam kedah teras-terasan melakkeun sumanget hijrah ieu dina dirina, supados ku sumanget ieu aranjeuna tiasa kadorong kangge ngayakeun upaya sareng perobihan-perobihan dina sagala widang kahirupan, nyaeta ngalihkeun kondisi tina kakantun kana kamajengan, tina bodo kana pinter, tina ngedul kana giat, tina kufur kana iman, tina ma’siat kana to’at, tina akhlak anu awon kana akhlak anu sae, sareng sajabina. Hartos hijrah ieu sanes wungkul ngalih sacara fisik, nanging oge sacara mental anu janten sumber tina sagala sikep sareng tindakan. Nabi Muhammad SAW ngadawuh ngeunaan hakekat jalmi Muslim sareng jalmi anu hijrah :

المسلم مَنْ سَلِمَ المُسْلِمُوْنَ مِنْ لِسَانِهِ وَيَدِهِ والمُهَاجِرُ مَنْ هَاجَرَ عَمَا نَهَى اللهُ عَنْهُ.
“Jalma Islam nyaeta jalma anu bisa ngajaga letah jeung leungeunna pikeun kasalametan jalma Islam sejenna, sedengkeun jalma anu hijrah nyaeta jalma anu ninggalkeun perkara anu dilarang ku Allah”.

Ku sumanget hijrah bakal lahir perobihan sareng bakal tembong perbedaan antawis anu hak sareng anu batil, antawis anu sae sareng anu awon. Dina leresan ieu, Khalifah Umar bin Khattab nyaurkeun “Hijrah misahkeun antara hak jeung batil”
اَلْهِجْرَةُ فَرقَتْ بَيْنَ الحَقِّ وَالْبَاطِل

Hadirin rahimakumullah.
Kumargi sakitu, dina raraga lebet kana taun hijriah anu enggal eta sumangga urang ngalenyepan dua ma’na:
         

  • Ma’na sajarah. Hijrah Nabi sareng umat Islam kapungkur hakekatna mangrupikeun cerminan yen umat Islam senantiasa kedah ngagaduhan sumanget perobihan dina dirina; umat Islam kedah dinamis sareng bergerak tina kaayaan anu awon kana kaayaan anu sae, tina kaayaan anu sae kana kaayaan anu langkung sae deui sareng saterasna.
  • Ma’na Muhasabah. Urang kedah tiasa introspeksi (muhasabah) atanapi nafakkuran diri ngeunaan lalampahan urang dina taun anu kapungkur. Ku muhasabah urang tiasa ngaevaluasi amal-amal awon anu kedah dikantunkeun sareng amal-amal sae anu kedah ditingkatkeun kangge dinten-dinten kapayunna. Allah SWT ngadawuh:

يَاأَيُّهَا الَّذِينَ ءَامَنُوا اتَّقُوا اللهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللهَ إِنَّ اللهَ خَبِيرٌ بِمَا تَعْمَلُونَ
 
“He jalma-jalma anu airman, kudu takwa aranjeun ka Allah. Jeung saban diri kudu nengetan naon-naon anu geus dipilampahna pikeun poe isuk (akherat). Jeung kudu takwa ka Allah, saestuna Allah Maha Uninga naon anu ku aranjeun dipigawe” (QS. 59 : 18).

Ngalangkungan taun hijriah enggal, urang wangun sareng konsolidasikeun tekad anu kiat kangge ningkatkeun kualitas iman, takwa sareng amal urang dina raraga ngarobih kaayaan hirup kanu langkung sae. Kaetang rugi saupami jalmi anu dina dinten ieu-na sami sareng dinten kamarina. Salah sawios katerangan nyaurkeun:

 من كان يومه خير من امسه فهو رابح ومن كان يومه سواء من أمسه فهو خاسر ومن كان يومه شر من امسه فهو هالك
“Jalma anu poe ieu-na leuwih hade batan poe kamarina, maka manehanana jalma untung; jalma anu poe ieu-na sarua jeung poe kamari maka manehanana jalma rugi; sedengkeun jalma anu poe ieu-na leuwih goreng batan poe kamarina maka manehanana jalma cilaka”

بارك الله لى ولكم فى القرآن العظيم ونفعنى وإياكم بما فيه من الآيات والذكرالحكيم وتقبل منى ومنكم تلاوته إنه هو السميع العليم
                                                  
_______________




الحمد لله الذي نحمده ونستعينه ونستغفره ونعوذ بالله من شرور أنفسنا وسيئات أعمالنا من يهد الله فلا مضل له ومن يضلل فلا هادي له. أشهد أن لا إله إلا الله وحده لا شريك له وأشهد أن محمدا عبده ورسوله لا نبي بعده. أللهم صل وسلم على رسول الله سيدنا محمد وعلى آله وصحبه ومن تبعه إلى يوم القيامه. أما بعد, فيا عباد الله أوصينى نفسى وإياكم بتقوى الله وطاعته لعلكم تفلحون وقال تعالى إن الله وملائكته يصلون على النبي ياأيها الذين آمنوا صلوا عليه وسلموا تسليما.
أللهم صل وسلم على سيدنا محمد وعلى آله وصحبه أجمعين آمين: أللهم اغفر للمسلمين والمسلمات والمؤمنين والمؤمنات الأحياء منهم والأموات, ربنا آتنا من لدك رحمة وهيِّء لنا من أمرنا رشدا.

عباد الله , إنالله يأمر بالعدل والإحسان وإيتاء ذى القربى وينهى عن الفحشاء والمنكر والبغي يعظكم لعلكم تذكرون أستغفرالله العظيم لى ولكم.

Artikel Lainnya:

0 comments:

Posting Komentar