Peta Situs
Sering Dibaca
-
ا لله أكبر 9 لا إله إلا الله والله أكبر الله أكبر ولله الحمد. الحمدلله الذى أنعم علينا بيوم العيد، أشهد أن لا إله إلا الله الحميد المجيد،...
-
الْحَمْدُ للهِ الَّذِي يُنِيْرُ بِالْهُدَى دُرُوْبَ الْمُؤْمِنِيْنَ، أَشْهَدُ أَنْ لاَّ إِلَهَ إِلاَّ الله وَأَشْهَدُ أَنَّ مُحَمَّدًا عَبْ...
Diberdayakan oleh Blogger.
Jumat, 30 Desember 2011
Mapag Taun Anyar 2012
اَلْحَمْدُ لِلَّهِ
الَّذِيْ أَمَرَنَا بِاْلاِعْتِصَامِ بِحَبْلِ اللهِ، أَشْهَدُ أَنْ لاَ إِلَهَ
إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ
وَرَسُوْلُهُ لاَ نَبِيَّ بَعْدَهُ. اَللَّهُمَّ صَلّ وِسلم عَلَى سيدنا مُحَمَّدٍ
وَعَلَى آلِهِ وَصَحْبِهِ وَمَنْ تَبِعَ هُدَاهُ الى يوم القيامة. أَمَّا بَعْدُ؛
فَيَا عِبَادَ اللهِ، أُوْصِيْكُمْ واياي بِتَقْوَى اللهِ، فَقَالَ اللهُ
تَعَالَى: يَاأَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ
تَمُوْتُنَّ إِلاَّ وَأَنتُمْ مُّسْلِمُوْنَ. وقال يآاَيُّهَا
الَّذِيْنَ امَنُوْا اتَّقُوْا اللهَ وَلْتَنْظُرْ نَفْسٌ مَّاقَدَّمَتْ لِغَدٍ
وَاتَّقُوْا اللهَ اِنَّ اللهَ خَبِيْرٌ بِمَا تَعْمَلُوْنَ
Ma’a syiral muslimin rahimakumullah,
Hiji tahap tina perjalanan hirup urang di
dunya ieu dina taun 2011 Miladiyah, insya Alloh bakal lulus ku urang di tempuh.
Kiwari urang nuju ngantos kana babak anyar dina taun anyar 2012 Miladiyah
pikeun nempuh deui tahap-tahap kahirupan saterasna. Di payuneun urang parantos
ngamplang lahan perjoangan pikeun ngabdikeun diri ka Gusti Alloh Swt,
ngabaktikeun diri ka sasama manusa sarta ngawangun kahirupan dunya dina umumna
anu pinuh ku pirang-pirang galura, kaayaan tur tangtanganana.
Ngemutkeun langkung abot tur komplekna masalah nu di sanghareupan
dina taun anyar engke, sumangga urang sasarengan bebenah diri ku jalan
ngukuhkeun iman sareng ngaweuteuhkeun sumanget pangabdian. Mangga urang
tingkatkeun ajen ibadah sareng amaliah urang sangkan bener, luhur tur mulyana
ajaran Islam sabage rohmatan lil’alamin teh ngawujud dina aktifitas
kahirupan urang sadidinten.
Satiap
sumping taun anyar sawadina ku urang dibageakeun ku syukuran ka Gusti Alloh
Swt, margi urang masih dipasihan kasempetan nu taya hinggana pikeun
ngalaksanakeun pancen hirup nu diamanahkeun ku Mantena. Teu aya kabagjaan nu
panggede-gedena pikeun satiap insan anu iman kajabi ngeusian kahirupan ieu ku
nyeueurkeun ibadah sareng amal soleh sakumaha nu ditandeskeun ku Kangjeng Rosul
Saw, “Pangalus-alusna jalma nya eta anu panjang umurna jeung hade amalna”.
Syukuran
kana ni’mat umur sareng kahirupan teh, nya eta ngajalankeun hirup ieu loyog
sareng katangtosan nu nyiptakeunana, nya eta pikeun ibadah atanapi ngabdikeun
diri ka Alloh Swt.
Pidawuh
Alloh Swt. dina al-Qur’an:
وَمَا خَلَقْتُ
الْجِنَّ وَاْلاِنْسَ اِلاَّ لِيَعْبُدُوْنَ (الذاريات : 56)
“Jeung teu pati-pati Kami nyiptakeun jin
jeung manusa ka-jaba supaya aribadah ka Kami”. (QS. Adz-Dzariyat, 51: 56)
Hadirin Ahli Jum’at rahimakumullah
Nyambut
taun anyar, salian ku syukur tadi sawadina ku urang dijantenkeun kasempetan
kangge tafakur sareng muhasabah. Margi sumpingna taun anyar teh
umur urang beuki ngolotan jeung ngorotan, tanaga beuki lemah, badan beuki
ropoh, ripuh jeung rapuh. Jumlah umur nambahan wilanganana tapi mangsa hirup
ngurangan jatahna. Mangsa ajal atanapi maot beuki nga-deukeutan.
Ngemutkeun
eta, satiap datang parobahan waktu urang kedah muhasabah (ngahisab
diri), ngitung untung rugi hirup dina mangsa nu geus kaliwat sangkan tiasa
ngamangfaatkeun sesa umur ieu sahade-hadena pikeun ngahontal tungtung hirup anu
husnul khotimah, nya eta posisi anu hade dina akhir hayat.
Dumasar
kana amalna di dunya ieu manusa teh dibagi jadi tilu golongan sakumaha
diterangkeun dina al-Qur’an:
ثُمَّ أَوْرَثْنَا الْكِتبَ الَّذِيْنَ
اصْطَفَيْنَا مِنْ عِبَادِنَا فَمِنْهُمْ ظَالِمٌ لِّنَفْسِه وَمِنْهُمْ
مُقْتَصِدٌ وَمِنْهُمْ سَابِقٌ بِالْحَيْرَاتِ بِاءِذْنِ اللهِ ذلِكَ هُوَ
الْفَضْلُ الْكَبِيْرُ (فاطر : 32)
“Terus eta kitab teh ku Kami di wariskeun
ka jalma-jalma anu dipilih ti antara abdi-abdi Kami; mangka ti antara maranehna
aya anu nganiaya dirina sorangan; ti antara maranehna aya anu pertengahan;
jeung ti antara maranehna aya oge anu paheula-heula nyieun kahadean kalawan
idzin Alloh. Anu kitu teh karunia Alloh nu kacida gedena”. (QS. Fathir, 35: 32)
Rosululloh Saw parantos ngajelaskeun tilu golongan tadi, nya eta Saabiqun
bil khoeroot biidznillaah jalma anu untung, muq-tashidun
jalma anu rugi jeung dhoolimun linafsihi jalma anu cilaka.
Saur Anjeuna :
مَنْ كَانَ يَوْمُهُ خَيْرًا مِنْ أَمْسِه فَهُوَ رَابِحٌ، وَمَنْ
كَانَ يَوْمُهُ مِثْلَ أَمْسِهِ فَهُوَ مَغْبُوْنٌ وَمَنْ كَانَ يَوْمُهُ شَرًّا
مِنْ أَمْسِهِ فَهُوَ مَلْعُوْنٌ
“Sing saha anu kaayaan (amalan) poe ieu
leuwih alus ti poe kamari mangka untung; sing saha anu kaayaan (amalan) poe ieu
sarua jeung poe kamari mangka rugi; jeung sing saha anu kaayaan (amalan) poe
ieu leuwih goreng ti poe kamari mang-ka cilaka (dila’nat)”. (HR. Dzaelamie ti
Sayyidina Ali bin Abi Thalib)
Hadirin Rohimakumulloh
Urang tangtos alim jadi jalma anu rugi komo deui cilaka, urang
hoyong jadi jalma anu untung atawa bagja. Harepan urang, taun anyar ayeuna
mawa suasana kahirupan anyar anu leuwih alus ti taun-taun anu kalangkung boh
keur kahirupan pribadi jeung kulawarga boh keur kahirupan masarakat jeung
bangsa sakumna. Ku kituna mangga urang mangfa’atkeun sesa-sesa yuswa ieu pikeun
ningkatkeun ajen ibadah sareng amal soleh urang. Sagala ka-kirangan tur
kasalahan dina mangsa-mangsa katukang mangga urang sampurnakeun sareng urang
omean sangkan kahadean sareng kabagjaan anu ku urang di harepkeun tiasa
kahontal atawa kapimilik.
Sok sanajan salaku manusa urang teu dipasihan kamampuhan pikeun
ngaramalkeun mangsa pikahareupeun kalawan pasti, tapi Gusti Nu Maha Suci
parantos masihan padoman sareng tungtunan ka urang sarerea sangkan nyiapkeun
mangsa hirup pikahareupeun teh kalawan cerdas, taliti tur ati-ati sakumaha kaunggel dina ayat Qur’an anu ditukil dina
awal khutbah tadi.
Pidawuh Alloh Swt:
يآاَيُّهَا الَّذِيْنَ امَنُوْا
اتَّقُوْا اللهَ وَلْتَنْظُرْ نَفْسٌ مَّاقَدَّمَتْ لِغَدٍ وَاتَّقُوْا اللهَ اِنَّ
اللهَ خَبِيْرٌ بِمَا تَعْمَلُوْنَ. (الحسر : 18)
“He jalma-jalma anu ariman, prak aranjeun
takwa ka Gusti Alloh, jeung sawadina satiap diri merhatikeun naon-naon nu geus
dipigawena keur poe isukan (akherat). Jeung prak aran-jeun takwa ka Gusti
Alloh. Saestuna Alloh Maha uninga kana naon perkara nu ku aranjeun dipigawe”.
(QS. al-Hasyru, 59: 18)
Sidang Jum’ah Rohimakumulloh
Ku katakwaan ka Gusti Alloh Swt urang sadayana tiasa ngajalankeun
tugas-tugas kahirupan kalawan hade, bener tur tepat boh tugas ibadah boh tugas kakholifahan.
Sarta ngan ku katakwaan urang tiasa ngahontal sukses, untung jeung bagja,
kajaga jeung karaksa tina karugian sarta kacilakaan hirup di dunya jeung di
akherat. Insya Alloh.
Pamungkas, mung ka Gusti Alloh wungkul urang sumerah diri,
nyuhunkeun inayah, hidayah sareng pangampura-Na, sahingga aya
dina kasalametan pikeun salamina.
بَارَكَ
اللهُ لِى وَلَكُمْ فِى الْقُرأنِ الْكَرِيْمِ وَنَفَعْنِى وَاِيَّاكُمْ بِمَا
فِيْهِ مِنَ اْلآيَاتِ وَالذِّكْرِ الْحَكِيْمِ، أَقُولُ قَوْ لِي هَذَا وَأَسْتَغْفِرُ
اللهَ لِيْ وَلَكُمْ فَاسْتَغْفِرُوْهُ اِنَّهُ هُوَ الْغَفُورُ الرَّحِيْمُ.
________________
اَلْحَمْدُ لِلَّهِ
الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ.
أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ
نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ
وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى
مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. عِبَادَ الله، اِتَّقُوا
اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ.
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ
الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ
صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ
وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ. اَللَّهُمَّ أَصْلِحْ
جَمِيْعَ وُلاَةَ الْمُسْلِمِيْنَ، وَانْصُرِ اْلإِسْلاَمَ وَالْمُسْلِمِيْنَ،
وَأَهْلِكِ الْكَفَرَةَ وَالْمُشْرِكِيْنَ وَأَعْلِ كَلِمَتَكَ إِلَى يَوْمِ
الدِّيْنِ. اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ
وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ،
إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ. اَللَّهُمَّ
افْتَحْ بَيْنَنَا وَبَيْنَ قَوْمِنَّا بِالْحَقِّ وَاَنْتَ خَيْرُ
الْفَاتِحِيْنَ. رَبَّنَا آتِنَا فِي الدُّنْيَا حَسـنَةً وَفي الآخِرَةِ حَسَنَةً
وَقِنَا عَذَابَ النَّارِ.
عِبَادَ اللهِ، إِنَّ اللهَ يَأْمُرُكُمْ
بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ
الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ.
فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ
وَلَذِكْرُ اللهِ أَكْبَرُ.
0 comments:
Posting Komentar