Peta Situs
Sering Dibaca
-
ا لله أكبر 9 لا إله إلا الله والله أكبر الله أكبر ولله الحمد. الحمدلله الذى أنعم علينا بيوم العيد، أشهد أن لا إله إلا الله الحميد المجيد،...
-
الحمد لله والصلاة والسلام على رسول الله سيدنا محمد وعلى آله وصحبه ومن والاه. أشهد أن لا إله إلا الله وأشهد أن محمدا عبده ورسوله, أما بعد, ...
Diberdayakan oleh Blogger.
Jumat, 26 April 2013
Nebihan Praktek Perdukunan
إِنَّ
الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ
بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ
اللهُ فَلاَ مُضِلَّ لَهُ وَمَنْ يُضْلِلْهُ فَلاَ هَادِيَ لَهُ. أَشْهَدُ أَنْ
لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ عَلَى نَبِيِّكَ مُحَمَّدٍ وَعَلَى آلِهِ وَمَنْ
تَبِعَ هُدَاهُ إِلَى يَوْمِ الْقِيَامَةِ. أَمَّا بَعْدُ, فيا مَعَاشِرَ
الْمُسْلِمِيْنَ أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ
الْمُتَّقُوْنَ، وَتَزَوَّدُوْا فَإِنَّ خَيْرَ الزَّادِ التَّقْوَى، قَالَ
تَعَالَى فِيْ كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ
الرَّجِيْمِ،: وَعِنْدَهُ مَفَاتِحُ الْغَيْبِ لَا يَعْلَمُهَا إِلَّا
هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِنْ وَرَقَةٍ
إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا
يَابِسٍ إِلَّا فِي كِتَابٍ مُبِينٍ.
Kamajengan peradaban manusa sering diukur ku kamajengan teknologi sareng
leupasna masyarakat tina praktek-praktek sareng kapercantenan kana hal-hal mistik-takhayul.
Nanging sok sanaos kitu, di zaman kiwari ieu praktek-praktek klenik sapertos
kitu masih keneh aya di tengah-tengah masyarakat urang, malihan tuwuh subur.
Di Indonesia praktek perdukunan ngagaduhan tapak-tapak sajarah. Dukun
sareng politik janten fenomena sosial anu lazim. Konstelasi politik
kangge ngarebut kakawasaan dina zaman karajaan-karajaan di Indonesia sateuacan moderen
teu saalit anu dirojong ku kakiatan sareng kapercantenan kana hal-hal magis.
Mangsa kiwari demam dudukun henteu wae nimpah
masyarakat kelas handap, nanging oge parantos nular ka masyarakat kelas elite anu saurna kantos
ngiring ngaraosan pendidikan luhur. Teu saalit
ti rengrengan maranehanana
sapertos selebritas,
elite politik, sareng jalmi-jalmi beunghar anu nyaketan sareng nyungkeun bantosan ka
paranormal atanapi dukun ngeunaan nasib karir masa depan sareng cita-citana. Diantawis
aranjeuna malihan aya anu ngajantenkeun paranormal salaku panasehat
spiritualna.
Sanaos masalah perdukunan parantos
dijelaskeun hukumna dina ajaran agama, nanging aya wae jalmi anu sok tatama
sareng ngagumantungkeun nasib hirupna ka dukun atanapi paranormal. Rupina
himpitan ekonomi sareng kasulitan hirup, utamina anu kaalaman ku jalmi-jalmi
anu aya di kota-kota ageung parantos mampuh ngelehkeun kacerdasan sareng
kakuatan akal sehat manusa. Sikep pegat pangharepan nanging gaduh impian luhur
anu can kacumponan, dipayunan ku cara nempuh jalan irrasional anu henteu
lazim sareng henteu sapagodos sareng bagbagan agama. Hal ieu dina giliranana dimanfaatkeun
ku para dukun atanapi paranormal pikeun ngeruk kauntungan pribadi sok sanaos
kudu ku cara nyasarkeun jalma sejen.
Dukun dina bahasa Arab disebat كاهن hartosna jalmi anu tiasa masihan informasi masa depan alam
samesta ka manusa, sareng ngaku-ngaku dirina terang kana tabir-tabir rahasiah (al-asrar):
الكاهِنُ الَّذِي يَتعاطي الخبرَ عَنِ الْكَائِنَاتِ فِي مُسْتَقْبَلِ
الزَّمَانِ ويدَّعي مَعْرِفَةَ الأَسرار -لسان العرب لابن منظور-
Imam Nawawi dina Syarah Shahih Muslim
ngajelasken yen di kalangan masyarakat Arab aya dukun-dukun, Kahanah, anu
ngaku-ngaku maranehanana apal kana seueur perkara. Diantara maranehna aya anu
ngaku ngabogaan batur mangrupa jin anu bisa nepikeun informasi-informasi;
maranehna ngaku bisa ngomean rupa-rupa urusan ku pangarti anu ditarimana ti eta jin:
وكان في العرب كهنة يدعون أنهم يعرفون كثيرا من الأمور فمنهم من يزعم أن له
رفقاء من الجن وتابعة تلقى إليه الأخبار ومنهم من يدعى أنه يستدرك الأمور بفهم
أعطيه
Ajaran Agama
parantos tegas dina masalah klenik perdukunan ieu, nyaeta ngalarang kalayan henteu kompromi. Allah SWT
ngadawuh dina al-Quran (Ali Imran: 179):
وَمَا
كَانَ اللَّهُ لِيُطْلِعَكُمْ عَلَى الْغَيْبِ وَلَكِنَّ اللَّهَ يَجْتَبِي مِنْ
رُسُلِهِ مَنْ يَشَاءُ
“Jeung Allah moal nempokeun perkara anu ghaib ka
maraneh, tatapina Allah milih ti antara Rasul-rasul-Na saha anu dikersakeun ku
Mantenna.”
Potongan ayat ieu
masihan isyarat yen anu uninga perkara-perkara ghaib mung Allah sareng
Rasul-rasul anu dikersakeuna-Na. Saupami aya jalmi ngaku-ngaku uninga kana
perkara ghaib, maka manehanana disebut dukun. Numutkeun an-Nawawi dina Riyadlusshalihin, dukun
sareng informasi ghaibna mangrupikeun wakil iblis, manehanana geus nyebarkeun berita
bohong. Manehanana meunang informasi ghaib eta ti jin anu maok pangdenge berita
langit tuluy nepikeun bari dibarengan ku saratus kabohongan.
Rasulullah SAW
ngadawuh:
من اتي كاهنا فساءله عن شيء حجبت عنه التوبة اربعين ليلة فان صدقه بما قال
كفر
“Saha jalma anu
ngadatangan dukun, tuluy nanyakeun perkara ka manehna, maka bakal ditutup panto
tobat pikeun manehna salila opat puluh peuting. Lamun ngabenerkeun kana ucapanana,
maka manehna geus kufur” (HR Thabraniy).
Kumargi sakitu, praktek-prkatek
dudukun sapertos kieu sumangga urang tebihan tina kahirupan urang. Langkung ti
cekap fakta anu ngabuktoskeun yen perdukunan ieu parantos seueur ngamadaratkeun
kana kahirupan manusa. Dampak negatif tina marakna praktek-praktek perdukunan
ieu nyaeta parantos ngabalukarkeun runtuhna nilai-nilai sareng munculna rupa-rupa
panyakit sosial, diantawisna penipuan, pembunuhan, pemerkosaan, fitnah sareng
dendam kesumat anu akhirna mecah belah
persatuan sareng kesatuan masyarakat.
Kangge nebihanana
mangga urang perkiat kaimanan ngalangkungan pangaosan-pangaosan di majelis-majelis
taklim atanapi di DKM-DKM, campur gaul sareng jalmi-jalmi soleh, ngiatan
ibadah, sareng nyeueurkeun aosan-aosan al-Quran. Oge teu kenging hilap urang
istiqomah dina ngajalankeun amalan-amalan eta.
بَارَكَ اللهُ لِيْ وَلَكُمْ
disampaikan di
Masjid Al-Fatah, Jalan Limabelas Sukaherang
Singaparna Tasikmalaya
Jumat, 26-04-2013
Jumat, 26-04-2013
0 comments:
Posting Komentar