 |
Jumat, 23 Oktober 2009
Bencana: Tanda-tanda Anu Perlu Dilenyepan
اَلْحَمْدُ
لِلَّهِ الَّذِيْ أَمَرَنَا بِاْلاِعْتِصَامِ بِحَبْلِ اللهِ، أَشْهَدُ أَنْ لاَ
إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ لاَ نَبِيَّ بَعْدَهُ. اَللَّهُمَّ صَلِّ وسلم عَلَى سيدنا
مُحَمَّدٍ وَعَلَى آلِهِ وَصَحْبِهِ وَمَنْ تَبِعَ هُدَاهُ. أَمَّا بَعْدُ؛ فَيَا
عِبَادَ اللهِ، اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ
وَأَنتُمْ مُّسْلِمُوْنَ ، فَقَالَ اللهُ تَعَالَى: واتقوا فتنة لا تصيبن الذين ظلموا منكم خآصة واعلموا أن الله شديد العقاب
Hadirin sidang jum’at anu miharep rahmat Allah.
Kiwari bangsa Indonesia nuju ditimpa
mangrupi-rupi bencana. Kajantenan anu enggal keneh gempa parantos ngoyagkeun dulur-dulur urang di Sumatera Barat ku kakiatan 7,6 SR. Korban oge berjatuhan deui: rebuan bangunan sarta jiwa karenggut. Padahal teu acan aya sasasih tina gempa eta gempa dahsyat
anu kakiatanana 7,3 SR parantos ngaluluhlantakkeun warga Jawa Barat
ditengah-tengah kaum muslim nuju ngajalankeun ibadah shaum sasih Ramadlan. Paraosan
trauma sareng keueung oge teu acan sirna kitu wae dina diri urang tina peristiwa
alam eta.
Hadirin, naha ieu teh
tanda-tanda akhir dunya anu disebat kiamat parantos caket pisan? Hasil
pamantauan pusat-pusat pemantau antariksa di dunya kalebet LAPAN (Lembaga
Penerbangan dan Antariksa Nasional) di Indonesia nyebatkeun, yen antawis taun
2011-2012 kapayun bakal terjadi badai sareng ledakan di atmosfir matahari anu kadahsyatanana
66 juta kali ledakan bom atom di Hiroshima. Tangtos badai antariksa ieu ageung
pangaruhna kana kahirupan di muka bumi ieu. Langkung sensasional deui
pakar-pakar supranatural ngaramalkeun dina taun 2012 bakal kajantenan
bencana-bencana luar biasa di dunya, bahkan kiamat.
Kangge urang, tangtos iraha
kiamat terjadi mung Allah anu uninga. Kadahsyatan kiamat langkung-langkung ti kajantenan
gempa akhir-akhir ieu. Saupami dina gempa ieu jalmi masih keneh gaduh
kasempetan kangge nyalametkeun kulawargi
sareng diri, maka dina dinten kiamat bujeng-bujeng nyalametkeun kulawargi, diri
nyalira oge teu tangtos salamet. Jalmi sewang-sewangan pada lalumpatan ti
dulur-dulurna dina dinten anu
pinuh ku pakewuh sareng siksa Allah eta.
فإذا جاءت الصاخة يوم يفر المرء من أخيه
وأمه وأبيه وصاحبته وبنيه لكل امرئ منهم يومئذ شأن يغنيه
“Maka upama kadéngé sora nu tarik pisan sarta matak katorekan
(nyaeta tiupan sangkakala), dina poéan tiap jelema nyingkah ti dulurna, jeung
ti indung bapana, jeung ti anak pamajikanana, dina poé éta tiap jelema ti
maranehanana boga urusan anu nungkulkeunana”.
يا أيها الناس اتقوا ربكم إن زلزلة الساعة شيء عظيم
يوم ترونها تذهل كل مرضعة عما أرضعت وتضع كل ذات حمل حملها وترى الناس سكارى وما
هم بسكارى ولكن عذاب الله شديد
“He manusa! Geura tarakwa ka
Pangeran aranjeun, saestuna lini kiamat teh kajadian anu kacida rongkahna, dina
poean aranjeun nempo eta kajadian, tiap anu nyarusuan paroho kanu disusuanana,
jeung awewe anu keur kakandungan jadi galugur kandunganana. Jeung anjeun bakal
nempo jalma-jalma dina kaayaan marabok padahal sabenerna maranehanana henteu
marabok, tatapina adzab Allah anu kacida bangetna.”
Kaum muslimin rahimakumullah.
Kangge urang salaku jalmi beriman, tanda-tanda alam ieu tos sakedahna mangrupikeun bahan renungan. Kajantenan gempa tiasa janten mangrupikeun sinyal ti Allah SWT ka manusa sangkan sadar tur insaf kana sagala rupi tindakan dosana salami ieu. Syaikh Abdul Qadir Jailani dina kitabna Futuhul
Ghaib nguningakeun hakekat bencana anu nimpa hiji jalmi atanapi kelompok
jalmi. Kasauran anjeuna, bencana tiasa janten mangrupikeun sanksi atanapi
hukuman, oge tiasa janten mangrupikeun ujian atanapi cobaan kangge
ngabersihkeun dosa, nanging oge tiasa janten media kangge Allah pikeun
ningkatkeun darajat atanapi maqam hiji jalmi.
Teu saalit jalmi anu
ngangken Islam oge faham kana kaislamanana dina wangkid kiwari ieu nanging teu ngajalankeun sareng teu peduli
kana aturan-aturan syara anu parantos ditetepkeun ku Allah sareng rasul-Na. Ayat-ayat
Allah diputerbalikkeun, ditafsirkeun numutkeun selera. Mabok-mabokan, pembunuhan,
zina, pornografi, ngadu, korupsi, nipu, tos
janten potret kahirupan mangsa kiwari. Bumi ieu rupina tos aboteun teuing
nanggung beban kadzoliman, kamungkaran, sareng karuksakan anu ditimbulkeun ku
ulah manusa. Peringatan anu mangrupi guncangan bumi ieu sumangga urang
lenyepan, jantenkeun bahan introspeksi diri tina kasalahan sareng kaalfaan
urang ka Allah. Allah SWT ngemutan ka
urang yen bencana nimpa ka saha bae,
henteu ka jalmi-jalmi anu dzolim wungkul:
واتقوا فتنة لا تصيبن
الذين ظلموا منكم خآصة واعلموا أن الله شديد العقاب
“Jeung geura ngajaga maraneh tina siksaan
anu henteu tumiba ngan ka jalma-jalma anu darolim wungkul ti antara aranjeun.
Jeung sing nyaho saestuna Allah teh banget pisan siksaan-Na.”
اَلْحَمْدُ لِلَّهِ
الَّذِيْ أَمَرَنَا بِاْاْلاِعْتِصَامِ بِحَبْلِ اللهِ. أَشْهَدُ أَنْ لاَ إِلَهَ
إِلاَّ اللهُ وَحْدَهُ لاَشَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ
وَرَسُوْلُهُ لا نبي بعده، اَللَّهُمَّ صَلِّ وسلم عَلَى سيدنا مُحَمَّدٍ وَعَلَى آلِهِ وَأَصْحَابِهِ ومن
تبعه الى يوم القيامة. عِبَادَ الله، اِتَّقُوا اللهَ مَا اسْتَطَعْتُمْ
وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ
يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا
عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ وَسَلِّمْ وَبَارِكْ عَلَى
مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اَللَّهُمَّ اغْفِرْ
لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ
اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ
وَيَا قَاضِيَ الْحَاجَاتِ. اَللَّهُمَّ افْتَحْ بَيْنَنَا وَبَيْنَ قَوْمِنَّا
بِالْحَقِّ وَاَنْتَ خَيْرُ الْفَاتِحِيْنَ. رَبَّنَا آتِنَا فِي الدُّنْيَا
حَسنَةً وَفِي الآخِرَةِ حَسَنَةً وَقِنَا عَذَابَ النَّارِ.
Artikel Lainnya:
0 comments:
Posting Komentar