Peta Situs

Kumpulan Catatan
Kumpulan Catatan Kumpulan Catatan

Sering Dibaca

  • Pamingpin Adil
    الحمد الله الّذى أمرنا بالتّعاون والا تّحاد.ونهاناعن التّخالف والانفراد أشهد انّ لا اله إلا الله وحده لا شريك له شهادة ادّخرها ليوم المعاد....
  • Nebihan Praktek Perdukunan
    إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْم...
Diberdayakan oleh Blogger.
Home > > Nagajaga Kasaimbangan Hirup
Jumat, 22 Januari 2010

Nagajaga Kasaimbangan Hirup

02.59 | Diposkan Oleh: | Edit Entri
الحمد لله الذي خلق فسوى. والذي قدر فهدى. إنه هو أضحك وأبكى. أشهد أن لاإله إلاالله وحده لاشرك له. وأشهد أن محمدا عبده ورسوله. اللهم صل وسلم وبارك على سيدنا محمد وعلى آله وأصحابه والتابعين وتابعيهم إلى يوم الدين. أمابعد: فيامعاشر المسلمين رحمكم الله، إتقواالله حق تقاته. قال الله تعالى فى القرآن العظيم أعوذ بالله من الشيطان الرجيم فإذا فرغت فانصب وإلى ربك فارغب.

Ma’asyirol Muslimin Rohimakumulloh.
Puji sareng syukur urang sanggakeun ka Hadlirat Alloh SWT anu parantos maparinan mangrupi-rupi ni’mat ka urang sadaya, sahingga ku ayana ni’mat eta urang dina danget ieu tiasa kempel ngariung di lebet masjid dina raraga ngajalankeun kawajiban ibadah jum’at. Sholawat sareng salam mudah-mudahan salamina Alloh ngalimpahruahkeun ka panutan alam kangjeng Rosululloh Muhammad SAW.


Kaum muslimin anu miharep rohmat Alloh.
Urang tiasa calik dina raraga ibadah sasarengan ka Alloh sapertos ayeuna ieu mangrupikeun hiji kani’matan anu teu aya bandinganana. Dina suasana sapertos kieu karaos pisan urang leupas tina sagala rupi beban rutinitas kahirupan dunya. Aya pangalaman ruhaniyah anu benten pisan sareng dunia kerja anu pinuh ku kasibukan. Karaos pisan hirup teh tengtrem dina saat-saat sapertos kieu. Kaayaan sapertos kieu mangrupikeun kasepempetan anu berharga kangge ngasah iman nguji akidah. Naha hirup urang parantos saimbang? Kamana orientasi hirup urang salami ieu? Kanggo ngawalerna kangjeng Rosul SAW parantos ngadawuh:

من أصبح والدنيا أكبر همه فليس لله فى شيء ألزم الله أربع خصال: هما لاينقطع أبدا، وشغلا لا يتفرغ منه أبدا، وفقرا لايبلغ غناه أبدا، وأملا لا يبلغ منتهاه أبدا (رواه الد يلمى)

“Saha jalma anu dina poe isuk-isukna dunya jadi tujuan utamana jeung sama sakali henteu merhatikeun (hak) Alloh, maka Alloh bakal netepkeun opat perkara ka manehna: 1. Kahayang anu moal bakal pegat-pegat, 2. Kasibukan anu moal bakal rengse-rengse, 3. Pangabutuh anu moal pernah cukup, 4. Harepan anu moal bakal kahontal.”

Hadirin Sidang Jum’at anu miharep rohmat Alloh.
Tiasa janten ti kawitan enjing-enjing tadi urang parantos disuguhan ku berita-berita tv, radio sareng koran anu ngebrehkeun getirna bencana, kejina pembunuhan mutilasi sareng kasus-kasus korupsi. Mungkin acara tv sareng kasibukan damel parantos jadi batur sareng rutinitas sapopoe urang anu teu karaos parantos nyita waktu urang. Ampir-ampir al-Qur’an henteu kacabak ku panangan urang, margi orientasi hirup dicurahkeun kana kahirupan dunya anu bener-bener ngasyikkeun. Hak Alloh disingkirkeun ku orientasi dunyawi ieu. Ku hal eta, maka pantes saupami urang dipasihan opat perkara anu teu pernah rengse-rengse sakumaha disebatkeun dina dawuhan Rosululloh SAW tadi. Teu acan seep ku hiji padamelan atanapi kasibukan, urang parantos disibukkeun ku padamelan anu sanesna. Sedengkeun ibadah ka Alloh dinomorduakeun, dipapalerkeun, dipopohokeun, malahan ditinggalkeun

Kaum Muslimin Rohimakumulloh,
Kumargi sakitu, sumangga urang diajar nata kahirupan sacara saimbang ku jalan merhatoskeun hak Alloh bari teu ngantunkeun tugas sareng kawajiban-kawajiban anu sifatna dunyawi. Dina satiap lengkah angkat didamel, niatkeun dina qolbu yen didamel teh mangrupikeun parentah Alloh kangge milari nafakah wajib pikeun kulawarga. Ku niat eta wae tujuan anu katingalna dunyawi bakal robih statusna janten ibadah. Numutkeun hiji katerangan, teu saalit amal-amal anu sepele janten ageung nilaina kumargi sae niat, sareng teu saalit amal-amal ageung janten alit nilaina kumargi awon niat:

رب عمل صغير تعظمه النية ورب عمل كبير تصغره النية


Ma’asyirol Muslimin rohimakumulloh.
Sanaos kasibukan dunya moal tiasa dileupaskeun sagemblengna tina kahirupan urang, nanging urang kedah emut yen perjalanan hirup urang sanes pikeun nyumponan pangabutuh jasmani wungkul, nanging oge peryogi nyumponan hak-hak Alloh anu janten pangabutuh ruhani. Nyumponan hak-hak Alloh tiasa nyaangan hate sareng ngabingbing hirup kana jalan anu leres ku cara teras-terasan ngiatan kaimanan ngalangkungan ibadah sareng taat ka Mantena. Tingkat kedekatan hiji jalmi ka Alloh sanes ditandai ku seueurna kasibukan sareng jabatan, tapi ku seueurna sujud sareng sholat ka Alloh. Rosululloh SAW ngadawuh:

أقرب مايكون العبد من ربه وهو ساجد. من كثر صلاته باليل حسن وجهه بالنهار قم من اليل ولو قدر حلب شاة

“Sadeukeut-deukeut hiji hamba ka Alloh, dina saat manehna sujud. Saha jalma anu loba sholat dina waktu peuting, maka wajahna bakal cerah dina waktu beurang. Pek geura sholat anjeun tipeuting sanajan saukuran meres susu embe.”

Sidang Jum’ah Rohimakumulloh.
Mudah-mudahan Alloh SWT maparinan kagampilan kanggo nata kahirupan ieu saluyu sareng pituduh-pituduh Mantena malahmandar urang tiasa ngajagi hubungan sae sareng Alloh bari henteu ninggalkeun kahirupan dunya ieu.


بارك الله لى ولكم فى القرآن العظيم ونفعنى وإياكم بما فيه من الآيات والذكرالحكيم وتقبل منى ومنكم تلاوته إنه هو السميع العليم




الحمد لله رب العالمين وبه نستعين على أمورالدنيا والدين والصلاة والسلام على أشرف الأنبياء والمرسلين محمد وعلى آله وأصحابه أجمعين. أشهد أن لا إله إلا الله وحده لا شريك له الملك الحق المبين وأشهد أن محمدا عبده ورسوله صادق الوعد الأمين. أللهم صل وسلم على سيد المرسلين محمد وعلى آله وصحبه أجمعين. أما بعد, فيا عباد الله أوصينى نفسى وإياكم بتقوى الله وطاعته لعلكم تفلحون وقال تعالى إن الله وملائكته يصلون على النبي ياأيها الذين آمنوا صلوا عليه وسلموا تسليما.
أللهم صل وسلم على سيدنا محمد وعلى آله وصحبه أجمعين آمين: أللهم اغفر للمسلمين والمسلمات والمؤمنين والمؤمنات الأحياء منهم والأموات, ربنا آتنا من لدك رحمة وهيِّء لنا من أمرنا رشدا.

عباد الله , إنالله يأمر بالعدل والإحسان وإيتاء ذى القربى وينهى عن الفحشاء والمنكر والبغي يعظكم لعلكم تذكرون أستغفرالله العظيم لى ولكم.

Artikel Lainnya:

0 comments:

Posting Komentar